太陽出來了

好似由星加坡返黎之後，都未好天過。
終於，今日太陽出來了！
我當然唔會放過有太陽曬既機會啦！
放左工即刻飛快地返屋企，收拾行裝…向清水灣…出發…

★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★

唔知係咪耐冇游水呢，出浮台既時候差d唔夠氣，嚇死！
不過，當我上到去浮台個一刻，
見到個情景真係好~ 爆笑！
浮台中間有四五個唔過5尺、瘦猛猛既o靚仔(我諗唔過13yrs)
係到煲煙喎??? 仲要係幼個隻，仲要ShaRE囉…
嘩~ 哈哈哈哈…爆呀！
正當我好奇佢地點樣運送包煙出浮台之際，(最重要係個火機!)

— 謎底終於解開喇！！ —
佢地拎左張好長而又濕左既保鮮紙出黎，
夾手夾腳咁包番好包煙同火機，
之後… 就游番入沙灘喇！
勁搞笑囉！點解要出浮台煲煙呢？

喂，下次你地都試下啦！哈哈哈…