復活節假期

由年頭盼望到而家既一連四日復活節假期，
今日終於來到尾聲…

◇ ◆ ◇ ◆ ◇ ◆ ◇ ◆ ◇ ◆ ◇ ◆ ◇ ◆ ◇ ◆ ◇ ◆ ◇ ◆ ◇ ◆ ◇ ◆

首先，14, 15號過左澳門。
點解又係澳門？
無法子，因為16號要返香港睇陶吉吉演唱會嘛…
咁邊夠時間去旅行呢 ? ?

★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆ ★ ☆

講番澳門，其實不久前都去過，
但係今次就過一晚，時間鬆動好多，
基本上都係周圍hea下咁啦…間酒店都唔錯，
我住既係新世紀，張床大到可以容納一家四口呀！
最開心係食左好多野，尤其係萄國菜囉！
大家有機會一定要試…yummy yummy!

△ ▼ △ ▼ △ ▼ △ ▼△ ▼ △ ▼△ ▼ △ ▼△ ▼ △ ▼△ ▼ △ ▼ △

跟住，噚日就同個星加坡返黎既朋友食tea…
去左紅館隔離個間都會海逸酒店。
其實以tea黎講都算多野食，最重要係地方夠開揚又唔多人嘛！

之後既時日重點節目 ~ 陶吉吉就是愛你香港演唱會
成個show既流程都做得幾好，無乜冷場。
個人認為，佢個show比Eason個show好睇，
因為佢比較商業化而Eason就難明d囉！
最搞笑係當佢一唱 ? "愛情好像流沙"
我腦裡面不其然就浮現左 ... 阿彭既影像，哇哈哈！！
可能係因為佢(彭)每次都唱得好投入啦！

○ ● ○ ● ○ ● ○ ● ○ ● ○ ● ○ ● ○ ● ○ ● ○ ● ○ ● ○ ●

就係咁，咁就渡過左一年四日既假期！
下一次想去長隆個機動遊樂場，
有無人有興趣？？